Sustaining Lake Rweru project will involve fighting soil erosion where water could erode land from the mountains into the swamps and into the lake. Water Hyacinths will all be cleared from the Lake.

People crossing Lake Rweru on boats

People crossing Lake Rweru on boats

 Digging trenches of about 35 kilometers on the banks of this lake, planting trees around the trenches and making terraces at about 140 hectares on the mountains nearby to reduce soil erosion.

Modeste Bizimana who is in charge of implementations of LVEMP project in Ngoma and Bugesera district says they decided to put emphasis on Lake Rweru because there is misuse of the swamp on the banks of the lake that can harm the lake.

“It is evident that residents near this lake misuse the banks of this lake and the nearby swamp. Some cultivate nearby the Lake and others mine there, other make kraals which can affect the Lake in the long run.”

In the past 2 months of operations of LVEMP II, residents say they have experienced positive change.

Mudasubira Cyprien who represents other residents in the environmental conservation project on Lake Rweru and Rweru swamp says there are no resolutions to prevent land eroding into the lake yet. Usually land would be eroded into the swamp drying it up and into the lake killing off the fishes.

“The change is so evident and anyone who knew what was happening can tell. Soil erosion and the stones that would dry up the swamps and reduce the fish are no longer there. Fish is now available and if terraces are made on the mountains, everything will be well” says Mudasubira.

On the training to conserve Lake Rweru that was on the 7^th.May.2013, representatives of environmental conservation project on Lake Rweru and Rweru swamp were explained the laws and regulations on the use of land near the swamps and lakes.

People are supposed to use land away from 50 meters of the lake, 20 meters from the swamp and 10 meters away from the rivers. In this area, only environment protection projects should be used and this land belongs only to the government.

LVEMP is an East African Community (EAC) project that protects rivers and lakes that serves Lake Victoria. In Rwanda, it operates with REMA.

The post Ngoma: LVEMP to conserve Lake Rweru appeared first on Ibidikukije - Kinyarwanda, Rwanda Nature, Africa Natural Beauty, Rwanda Environment, Rwanda Forestry, Green Planet.

Mu gihe bivugwa ko ibiyaga bitabungabunzwe ngo birindwe bishobora gukama, umushinga LVEMP  ukorera muri REMA, watangije ibikorwa byo kubungabunga ikiyaga cya Rweru bikazatwara amafaranga asaga miliyoni 200 ‘amafaranga y’ u Rwanda.

Imirimo yo kubungabunga iki kiyaga izibanda ku kurwanya isuri kuko yazanaga ibitaka ibikuye kumisozi ikabijyana mu gishanga, mubindi bizakorwa  harimo no no gukuramo icyatsi cy’amarebe muri iki kiyaga.

Gucukura umuringoti ufite uburebure bwa  kilometro 35 kumuzenguruko w’iki kiyaga uhereye kuri metero ziteganwa n’amategeko y’ibiyaga n’ibishanga, Gutera ibiti bitandukanye kuri uwo muringoti no  gukora amaterasi  kuri hegitari 140 ku misozi mu rwego rwo kugabanya ibitaka bizanwa n’isuri bijya mugishanga cy’iki kiyaga nibyo bizibandwaho.

Bizimana Modeste ushinzwe gukurikirana ibikorwa by’umushinga LVEMP mu turere twa Ngoma na Bugesera, yavuze ko bahisemo kwita kukiyaga cya Rweru kuko basanze hari imikoreshereze mibi mu nkengero z’igishanga kuburyo byashoboraga guteza kwangirika kwacyo.

Yabisobanuye agira ati ”Byaragaragaye ko abaturage baturiye iki kiyaga bakoreshaga nabi ubutaka bw’inkengero z’ikiyaga n’igishanga bya Rweru, wasangaga bamwe bahingamo, abandi bacukuramo amabuye, bagashyiramo ibiraro by’inka mbese kuburyo budafata ubutaka kandi ikiyaga cyonwa n’ubutaka bugwa mu kiyaga.”

Mu mezi abiri umushinga LVEMP II utangiye ibi bikorwa ,abaturage bavuga ko bamaze kubona impinduka kandi nziza kuri iki kiyaga.

Mudasubira Cyprien ni umuturage uhagarariye abandi mu mushinga wo kubungabunga ibidukikije kugishanga n’ikiyaga cya Rweru,ubwo twavuganaga nawe yavuze ko hatarashyirwaho ingamba zo kurinda isuri ibitaka byuzuraga igishanga kigakama amafi akabura ariko ubu ngo amafi agenda yiyongera.

Yagize ati ”Impunduka yo ni ibintu namwe mwakigererayo mukabona, ya masuri n’amabuye yajyaga mugishanga kuburyo byatumaga amafi ataboneka kubera ibitaka, ariko ubu amafi ari kwiyongera.Nihajyaho amaterasi ku misozi bizagenda neza.”

Mumahugurwa yo kubungabunga ikiyaga cya rweru yabaye kuri uyu wa 07/05/2013, abahagarariye abandi mu mushinga wo kubungabunga igishanga n’ikiyaga cya Rweru, basonuriwe amategeko n’amabwiriza kumikoreshereze y’ubutaka bwegereye igishanga.

Abaturage basobanuriwe ku itegeko ry’uko  kuva kukiyaga metro 50, na metro 20 uvuye kugishanga ndetse na metro 10 uvuye ku mugezi, nta muntu wemerewe gukoreramo ibikorwa atari ibibungabunga ibyo bidukikije, banibukijwe kandi ko ubwo butaka buba ari ubwa leta.

Umushinga LVEMP ni umushinga wo mu muryango w’ibihugu by’Uburasirazuba(EAC)washyizweho ngo ubungabunge imigezi n’amasoko agaburira ikiyaga cya Victoria. Mu Rwanda ukorera mu kigo cy’igihugu cyita ku bidukikije REMA.

The post Ngoma: Miliyoni zirenga 200 zashowe mu bikorwa byo kubungabunga ikiyaga cya Rweru appeared first on Ibidikukije - Kinyarwanda, Rwanda Nature, Africa Natural Beauty, Rwanda Environment, Rwanda Forestry, Green Planet.

Mu buhamya bw’umwe mu bafite abe batawe muri iki cyuzi Mariya Tereza Kanakuze avuga ko muri jenoside icyuzi cya rugando cyari cyuzuye imirambo aho bashoreraga abantu babakubita bahagera bakabatamo bavanywe mu mirenge ya  Kirehe, Kigina na Nyarubuye aho ngo ku munsi hatabwagamo abantu bari hagati ya 60 na 80,uyu mukecuru akomeza avuga ko imirambo yari yaruzuye no hejuru kugeza ubwo uwari resiponsabule yavuze ko bahagarika kujugunyamo abantu kuko hari huzuye hari n’umunuko mwinshi nuko ategeka ko bazajya babica barangiza bakabahamba.

Murebwayire consolée  umwe mu barokoyeke mu murenge wa Kigina avuga ko haguye imiryango y’abantu benshi ku buryo kugeza ubu umubare wabahaguye utazwi akaba avuga ko abatawemo kugeza ubu bakirimo kubera kubura uko bavamo bitewe n’amazi ahuzuye, akomeza avuga ko kugeza ubu bahakorera isuku igihe cyo kwibuka cyagera naho bakahibukira, asaba uburyo bushoboka ngo habe hashakwa uburyo hakumishwa amazi akavamo bityo baka bakuramo  imibiri yatawemo igashyingurwa mu cyubahiro.

Gafaranga Donacien wireze akemera icyaha ko yataye muri icyo cyuzi umwana wa Mariya Tereza Kanakuze avuga ko batayemo abantu nawe ubwe atibuka umubare kuko ngo hari haruzuye. naho Jean Bosco Uwemeyingwe avuga ko yari atuye hakurya, ngo batagamo abantu benshi  ariko bose nta numwe uravanwamo,akaba avuga ko bagize uruhare rwo kubashyiramo ariko ngo urwo kubakuramo ntibarushobora, abari batuye hafi y’icyo cyuzi bavuga ko haguyemo abantu benshi kandi ko ngo abenshi yabaga ari imiryango yatawemo n’interahamwe.

Nyuma y’uko bigaragaye ko iki kiyaga cya Rugando yuzuye amazi akaba yararengeye imibiri y’abashyizwemo kandi akarere ka Kirehe kakaba karasanze birenze ubushobozi mu gukemura iki kibazo, none ubu bafashe gahunda yo kubigeza ku kigo cy’igihugu gishinzwe kubungabunga ibidukikije (REMA) ngo babe babafasha kureba niba iki kibazo cyo gukuramo imibiri cyakorwa, kuri uyu wa 27/03/2013 abakozi bakora muri iki kigo basuye iki kiyagaka Rugando mu rwego rwo kureba uko bakuramo imibiri yatawemo, bakaba batangaza ko basanze bigoye kuba iyi mibiri yakurwamo.

Ikigo cy’igihugu gishinzwe kubungabunga ibidukikije gifatanije n’ikigo cy’umutungo kamere bavuga ko bigoye kuhatunganya, bakaba babona byaba byiza kuhatunganyijwe, bakajya bahibukira mu gihe cyo kwibuka, bakabifata nka gahunda yo kwibukira ku mazi.

The post Barashaka uko batunganya ikiyaga cya Rugando bakajya bahibukira abahaguye appeared first on Ibidikukije - Kinyarwanda, Rwanda Nature, Africa Natural Beauty, Rwanda Environment, Rwanda Forestry, Green Planet.

Residents digging a trench that will keep away hippos

With the ongoing information that the Akagera National Park will be fenced but not the lakes, residents of Ndengo sector decided to participate by making a big trench to stop Hippopotamus from crossing over from the park and destroying their crops.

Residents of Ndego sector dug a trench of 1 kilometer surrounding this lake. These residents say they would have achieved a lot of things that are now impossible if not for the continuous attack of the Hippopotamus because they usually harvest a half or a quarter of their intended harvest and the remaining part is destroyed by the Hippos.

Apart from destroying people’s crops, many people have lost their lives to the hippos. Mbonimpa a resident of this sector was killed by a hippo on the 4^th.Jan.2013 while he was watching over his farms to scare away hippos in the night.

Everyone is participating in this project

Other sectors neighbouring Akagera National Park are also affected by the same problems of animals especially Hippopotamus that cross over from the park and destroy people’s crops. This problem is however no longer grave after the park was fenced.

The post Kayonza: Ndego residents use trench to stop hippos’ invasion appeared first on Ibidikukije - Kinyarwanda, Rwanda Nature, Africa Natural Beauty, Rwanda Environment, Rwanda Forestry, Green Planet.

 

Uretse kuba uwo muferege uzajya ukumira imvubu zigiye kona, ngo uzanagira akamaro kanini mu kubungabunga ibidukikije kuko uzaba ugabanya imbibe z’amasambu y’abaturage n’ikiyaga cya Rwakigeri. Ibyo ngo bizatuma nta muturage ubasha kurengera ngo ahinge mu nkengero z’icyo kiyaga.

Ubwo hatangazwaga amakuru y’uko Parike y’Akagera igiye kuzitirwa, hari amakuru yavugaga ko ibiyaga bitazazitirwa. Icyari gukorwa ngo ni ugucukura umuferege munini wajya ukumira imvubu zavuye mu kiyaga zijya mu baturage, kugira ngo zitazakomeza kujya kubonera.

Abaturage bo mu murenge wa Ndego bamaze kwicukurira umuferege ureshya n’ikirometero kimwe mu rwego rwo guhangana n’izo mvubu.

Bamwe muri bo bemeza ko hari ibyo bakabaye baragezeho batarageraho kubera konerwa n’izo mvubu, kuko iyo umuturage ahinze aba azi neza ko azasarura kimwe cy’akabiri cy’umusaruro yari kubona, ikindi kimwe cya kabiri kikaba icy’imvubu.

Uretse kuba zibonera hari n’abo zagiye zitwara ubuzima, kuko tariki 04/01/2013 imvubu yishe umugabo witwa Mbonimpa wo muri uwo murenge imuciyemo kabiri. Uwo mugabo yari arinze imyaka ye mu masaha y’ijoro ngo imvubu zitaza kuyona, ariko ziranga ziyiraramo ndetse imwe muri zo iranamwica.

Mu yindi mirenge ihana imbibe na Parike y’Akagera na ho hagiye hagaragara ikibazo cy’inyamaswa ziva muri Parike zikonera abaturage. Gusa hamwe na hamwe icyo kibazo ntikikiriho kuko Parike yazitiwe izo nyamaswa zikaba zitakibona uburyo bwo gutoroka Parike ngo zijye konera abaturage.

The post Ndego: Abaturage bari gucukura umuferege ukumira imvubu za Parike y’Akagera zibonera imyaka appeared first on Ibidikukije - Kinyarwanda, Rwanda Nature, Africa Natural Beauty, Rwanda Environment, Rwanda Forestry, Green Planet.

Abaturage mu nama n’ubuyobozi bakangurirwa kutajya mu biyaga rwihishwa

Ikibazo cy’ingona gikomeje guhangayikisha abaturage b’umurenge wa Ririrma mu karere ka Bugesera. Ingona ngo kuva hambere zakunze kurya abaroba mu biyaga byegereye umurenge wa Ririma. Cyakora mu myumvire ya bamwe, ntibarumva ko bagomba kwirinda izo ngona ahubwo bagakomeza gukora rwihishwa kandi ubuyobozi bwarababujije.

Iki kibazo gikomeje guhangayikisha abaturage, basaba ko icyo kibazo cyahagurukirwa n’inzego kireba kuko ngo nta kwezi kugishira ingona itariye umuturage nk’uko bitangazwa na Niyonkuru Alexis umuturage wo mu kagari ka Nyabagendwa.

Ati “ingona zikunze kwibasira abarobyi bakora rwihishwa, ariko ikibazo gikomeye ni uko bamwe muri twe tutarahindura imyumvire ngo birinde ibyo biyaga bibamo ingona, ahubwo bagakurikira uburyohe n’amafaranga bakura mu mafi bakahatakariza ubuzima”.

Cyakora abarobera mu makoperative bo bavuga ko ntacyo izo ngona zibatwaye. Ngo zibasira gusa abaroba ku buryo bwa rwihishwa, dore ko nta n’amato ndetse n’ibikoresho byo kuroba baba bafite nk’uko bivugwa na bamwe mu barobyi bakorera ku kiyaga cya Kidogo mu murenge wa Ririma.

Uwitwa Bisengimana Emmanuel agira ati “ ndemeza ko nta we ingona yari yasanga iwe mu rugo cyangwa ngo imufate ategereye umwaro, yemwe nta n’uwo isanga mu bwato ahubwo usanga abaturage bakomeje kuhatakariza ubuzima kubera gukurikirana kararyoshye iba mu ifi”.

Bamwe mu baturiye icyo kiyaga cya Kidogo, batari mu makoperative y’abarobyi mu myumvire yabo bavuga ko kureka kuroba muri icyo kiyaga bitaborohera bitewe no gukunda amafi n’amafaranga avamo, ibyo bishatse kuvuga ko bajya baroba rwihishwa, uretse ko ngo hari n’abavomamo.

Umuyobozi w’akagari akangurira abaturage kwirinda kwishora mu mazi rwihishwa

Gasirabo Gaspard Umunyamabanga nshingwabikorwa w’umurenge wa Ririma, avuga ko kubera umwuga wo kuroba abaturage babyirukiyemo, hagakubitiraho no gukunda amafi, ngo biragoye kugira ngo babireke.

Ati “iki kibazo cy’ingona kirababaje kuko zitwara ubuzima bw’abantu, abaturage ntibagomba gukinisha ubuzima bwabo babwegereza ingona mu gihe inyama arizo ziyitunze”.

Ibiyaga byo mu karere ka Bugesera ibyinshi bishamikiye ku mugezi w’Akagera. Kubera ko ukunda kuzura mu gihe cy’imvura nyinshi, akenshi ingona ziwuvamo zigakukira muri ibyo biyaga, aho zibona amafi n’ibindi bizitunga. Izo ngona n’umuntu ntizimurebera izuba, ndetse kuva kera ngo zagiye zirya abaturage.

The post Ririma : Abaturage barasaba ko ikibazo cy’ingona zibarya cyahagurukirwa appeared first on Ibidikukije - Kinyarwanda, Rwanda Nature, Africa Natural Beauty, Rwanda Environment, Rwanda Forestry, Green Planet.

Guest House mbere y’uko isenywa muri 2004

Kuva mu cyumweru gishize nta muntu wemerewe kongera koga ahahoze Guest House, nyuma y’uko ubuyobozi busanze hari abajyanwayo no gukora ubusambanyi.

Amabwiriza abuza abantu kongera koga ahoze Guest House Hotel mu mujyi wa Kibuye yashyizweho n’ubuyobozi bw’umurenge wa Bwishyura bufatanyije na police mu karere ka Karongi.

Ayo mabwiriza ariko byaje kugaragara ko abantu batayubahiriza bose nk’uko byasobanuwe kuri uyu wa gatandatu tariki 26/1/2013 n’umuyobozi ushinzwe ubutaka mu karere ka Karongi Ing Hanyurwimana Damascene mu nama yakurikiye umuganda.

Hanyurwimana yavuze ko hari abasore n’inkumi barenga 10 bari bafungiye kuri station ya police kubera kurenga ku mabwiriza ariko baje kurekurwa nyuma y’uko police isanze ari abakora amarushanwa yo koga kandi bazwi ku rwego rw’igihugu.

Ahahoze Guest House leta yafunze burundu muri 2004 ifte gahunda yo kuhegurira abikorera kugira ngo hashyirwe hotel yo mu rweho rwo hejuru. Kuva icyo gihe abanyakibuye n’abandi banyarwanda bakunda koga mu Kivu bakomeje kuhogera n’ubwo ari mu matongo, bakurikiye umusenyi waho kubera ko hari hamwe mu hantu hateye neza ku bakunda kogera ku musenyi.

Kugeza ubu mu karere ka Karongi, usibye kuri Guest House, ahantu hashobotse kogera ni kuri Gold Eden Rock Hotel ariko usanga ari hato cyane abantu bahabyiganira.

Biteganyijwe ko mu ntangiriro z’ukwezi kwa kabili (Gashyantare 2013) mu karere ka Karongi hazafungurwa umwaro muhimbano (plage artificielle) ahitwa Nyakariba mu murenge wa Bwishyura.

Ni umwaro urimo gutungwanya n’umuntu wikorera, hakazajya habera ibikorwa bitandukanye byo kwidagadura, koga, kwica akanyota n’isari ndetse n’ubukerarugendo bwo mu mazi buzatangizwa ku mugaragaro na leta y’u Rwanda binyuze mu kigo cy’igihugu gishinzwe iterambere RDB.

Muri uyu mwaka wa 2013, akarere ka Karongi kanafite gahunda yo gushyira amatara ku muhanda, bahereye ku musozi witwa Josi, aho umugi wa Karongi uhera, akazamuka akanyura muri rond point yo mu mujyi, akazenguruka akamanuka yerekeza ahitwa Nyabidahe kuri Cormoran Lodge, hotel y’umushoramari w’umubilikazi ufite ubwenegihugu bw’u Rwanda witwa Nathalie Cox; hanyuma agakomeza akagera kuri IPRC West, ahahoze hari ETO Kibuye.

The post Rwanda | KARONGI: Koga ahahoze Guest House ntibikemewe appeared first on Ibidikukije - Kinyarwanda, Rwanda Nature, Africa Natural Beauty, Rwanda Environment, Rwanda Forestry, Green Planet.

Abatuye hafi y’ikiyaga cya Kadiridimba kiri mu murenge wa Rwinkwavu mu karere ka Kayonza bavuga ko nta mwaka washira kidatwaye ubuzima bw’umuntu. Kadiridimba ni ikiyaga gito, ariko uburyo giteye ngo byayobeye abatuye hafi ya cyo. Nta mugezi munini ugisukamo amazi, ariko kikagaburira amazi menshi ibishanga biri hepfo yacyo kandi ntigikame.

Ikiyaga cya Kadiridimba ngo gifite ubujyakuzimu butazwi. Hari amakuru avuga ko higeze kugwamo ikamyo yuzuye inzoga za byeri iheramo, ku buryo iyo kamyo abari bayirimo n’inzoga yari itwaye nta nakimwe cyabonetse.

N’ubwo ikiyaga cya Kadiridimba gifite amateka atera ubwoba abacyumvise bwa mbere, abatuye hafi ya cyo bajyaga bacyogamo. Benshi mu bo twavuganye batuye hafi ya cyo bemeza ko nta mwaka ujya upfa gushira kidatwaye ubuzima bw’umuntu.

Gusa ngo nta muntu ugipfa kucyogamo kuko ubuyobozi bwabibujije, ariko hari abaca mu rihumye bakajya koga muri icyo kiyaga. Ikiyaga cya Kadiridimba ngo gishobora kuba ari isoko y’amazi yatobokeye aho kiri, ayo mazi akaba ahora ava ikuzimu, kuko bitumvikana impamvu adakama kandi gisohora menshi agaburira ibishanga biri hepfo ya cyo.

Mu minsi ishize hari ubwo ikiyaga cya Kadiridimba cyuzuraga, ikiraro kigitandukanya n’ibishanya biri hepfo yacyo kikarengerwa. Ibyo byatumye ikiraro cyigizwa hejuru ndetse hanashyirwamo imiyoboro mini isohora amazi kugira ngo adakomeza kujya arengera ikiraro.

The post Rwanda | Rwinkwavu: Nta mwaka washira ikiyaga cya Kadiridimba kidahitanye umuntu appeared first on Ibidikukije - Kinyarwanda, Rwanda Nature, Africa Natural Beauty, Rwanda Environment, Rwanda Forestry, Green Planet.

Ingengo y’imari yari igenewe icyo gikorwa ingana n’amafaranga y’u Rwanda miliyoni 32 nk’uko byatangajwe na Vincent Karega kugira ngo icyo kiyaga kirandurwemo amarebe kubera ko yangiza ibidukikije birimo amafi n’ibindi binyabuzima biba mu mazi kubera ko abibuza kugerwaho n’umwuka mwiza n’urumuri biba bikeneye.

Munyakayanza Jean de Dieu, Umunyamabanga Nshingwabikorwa w’Akagari ka Burenga mu Murenge wa Kamabuye yatangarije Izuba Rirashe ko koko ingengo y’imari yo kurandura ayo marebe yumvise bivugwa ko yaba yaraheze ku Karere.

Kuri iki kibazo, Umuyobozi w’Akarere Wungirije ushinzwe Imari n’Ubukungu, Rukundo Julius, yatangarije Izuba Rirashe ko amafaranga yagenewe icyo gikorwa nta makuru yayo afite neza agira ati “ntabwo nzi neza uko icyo kibazo kimeze kuko nta n’igihe ndamara mu buyobozi bw’Akarere ka Bugesera”

Dr Rose Mukankomeje we yatangarije Izuba Rirashe ko ubusanzwe amarebe akwirakwizwa n’umuyaga aturutse mu yindi migezi cyangwa ibiyaga ayo marebe abarizwamo.

Yatangaje kandi ko atari mu Rwanda gusa ikibazo cy’amarebe kiri, ko no mu bindi biyaga byo muri Afurika nka Victoria arimo, ndetse inkomoko yayo ikaba ari muri Amerika y’Amajyepfo, ariko ho bakaba bifashisha uburyo bwa gihanga mu guhangana na yo.

Icyo kiyaga cya Cyohoha Sud cyantagiye gukama mu mwaka wa 2000, nyuma yo gufata ingamba zo gutera ibiti mu nkengero zacyo no kubuza abahinzi kugisatira, mu mwaka wa 2005 amazi yongeye kugikgarukamo buhoro buhoro.

The post Bugesera : Miliyoni 32 Frw zagenewe kurandura amarebe muri Cyohoha Sud zaheze ku Karere appeared first on Ibidikukije - Kinyarwanda, Rwanda Nature, Africa Natural Beauty, Rwanda Environment, Rwanda Forestry, Green Planet.

Mu karere ka Nyabihu ,abaturage bazindukiye mu muganda wo kubungabunga ikiyaga cya Karago haterwa ibikangaga  hafi y’ikiyaga,nk’ibyatsi bifata ubutaka bikarinda isuri kwinjira mu kiyaga

Ikiyaga cya karago ni kimwe mu bidukikije n’ umutungo kamere w’ingenzi uri mu karere ka Nyabihu. Bitewe n’uko ikiyaga gikunze kwangizwa cyane n’isuri,hafashwe ingamba nyinshi zo kukibungabunga.

Gutera ibiti ku nkengero z’umugezi wa Nyamukongoro no ku misozi imanukaho amazi n’isuri  byisuka muri uwo mugezi nawo uhita wiroha mu kiyaga ni bimwe mu bikorwa bigenda bikorwa mu gukumira isuri yakwangiza iki kiyaga.

Uretse ibi bikorwa,hakozwe n’ibindi byinshi mu kukibungabunga, aho hafunzwe aho amazi yavaga mu kiyaga yanyuraga kugira ngo gisubirane ubwinshi bw’amazi cyahoranye.

Hamwe n’ibindi bikorwa byagiye bikorwa mu kukibungabunga,kuri uyu wa 29 Ugushyingo 2012,hakozwe umuganda wo gutera ibikangaga hafi y’icyo kiyaga mu murenge wa Karago. Impamvu y’iterwa ry’ibi bikanganga akaba ari ukugira ngo bijye bifata isuri n’ubutaka byakwiroha mu kiyaga cya karago bikacyangiza nk’uko Karambizi Benjamin ushinzwe ibidukikije mu karere ka Nyabihu yabidutangarije.

Nyuma y’aho karago isubiraniye isura n’amazi yahoranye hatewemo amafi,abaturage bakaba basabwa kuyabungabunga bakabungabunga n’ibindi binyabuzima birimo kuko aribo bizagirira akamaro

Karambizi Benjamin kandi yongeraho ko kubungabunga iki kiyaga bifitiye inyungu abaturage b’akarere ka Nyabihu,akarere kirimo ndetse n’igihugu muri rusange. Avuga ko nyuma y’aho hakozwe ibishoboka byose iki kiyaga kigasubirana amezi cyahoranye ndetse akanagenda asa neza,hatewemo amafi. Kukibungabunga no gukumira isuri n’ibindi byacyangiza bikaba bizatuma ayo mafi akura neza ndetse n’ibindi binyabuzima bikibamo bikagira umutekano.

Igihe ayo mafi azaba akuze neza,bikazafasha abaturage kubona ibibatunga kandi bifite intungamubiri, bityo ubuzima bukarushaho kuba bwiza. Bizatuma kandi uyu mutungo kamere n’ibidukikije muri rusange bisugira bityo bigirire akamaro,bikagirire  n’ababituriye.

Ikiyaga cya Karago giherereye hagati y’umurenge wa Karago na Mukamira. Gifite ubuso bungana na ha 100. Kikaba cyarakunze kwangizwa n’isuri imanuka mu misozi yegereye umugezi wa Nyamukongoro ukisukamo. Ibi bikiyongeraho  iyangirika ry’ibidukikije n’imisozi igize ahahoze ishyamba rya Gishwati nabyo  bikaba  byarabigizemo uruhare.

Hakaba harimo gukorwa ibishoboka byose, cyane binyuze mu bikorwa bw’umuganda n’ibindi bikorwa bikorwa n’abafatanyabikorwa b’akarere ka Nyabihu, kugira ngo iki kiyaga gisubirane ubwiza cyahoranye kandi gitange umusaruro uhagije. Abaturage n’ubuyobozi muri rusange bakaba basabwa kukibungabunga.

The post Rwanda | Nyabihu: Harakorwa byinshi mu kubungabunga ikiyaga cya Karago n’ibinyabuzima birimo ndetse n’amafi yatewemo appeared first on Ibidikukije - Kinyarwanda, Rwanda Nature, Africa Natural Beauty, Rwanda Environment, Rwanda Forestry, Green Planet.